Pake phal pedon se rishta tod jaate hain, Apahij baap ho jaye to bête chod jaate hain. Pita jeevan hai, sambal hai, shakti hai. Pita srishti ke nirmaan ki abhivyakti hai. Pita anguli pakde bache ka sahara hai. Pita kabhi kuch khatta kuch khara hai. Pita palan hai, poshan hai, Pita pariwaar ka anushasan hai. Pita dhons se chalne waala prem ka pichasak hai Pita Roti hai, kapda hai, makan hai Pita chote se parinde ka bada aasman hai. Pita chotese parinde ka bada aasmaan hai. Pita apradarshit anant pyaar hai Pita hai to bacho ko intezaar hai Pita se hi bachoon ke dher saare sapne hain Pita hai to bazaar ke sab khiloney aapne hain. Pita hai to bazaar ke sab khiloney aapne hain. Pita se pariwaar mein pratipal raag hai Pita se hi maa ki bindi aur suhaag hai Pita parmatma ki jagat ke taraf aasakti hai Pita grahast ashram mein uch stithi ki bhakti hai Pita apni ichhaon ka hanan aur pariwaar ki purti hai Pita rakt mein diye hue sanskaaron ki murti hai Pita ek jeevan ko jeevan ka daan hai Pita duniya dekhane ka ehsaan hai Pita suraksha hai agar sir par haath hai Pita nahi to bachpan anath hai Pita nahi to bachpan anath hai Pita se baada tum apna naam karo Pita ka apmaan nahi unpar abhimaan karo Kyunki maa baap ki kami ko koi paat nahi sakta Aur Ishwaar bhi inke aashishon ko kaat nahi sakta. Aur Ishwaar bhi inke aashishon ko kaat nahi sakta. Vishv mein kisi bhi devta ka sthaan duja hai Maa baap ki sewa hi sabse badi puja hai Vishv mein kisi bhi theerath ki yatrayen vyaarth hain Yadi bête ke hote maa baap asmarath hain. Who khush nasib hain Maa Baap jinke saath hote hain Kyunki Maa baap ke ashsihon ke haath hazaron haath hote hain.
Related Articles -
Father, Raman Handa, Relationship, Parents,
|